جشن فراغت دانشجویان موسسه تحصیلات عالی اشراق ، 28 قوس 1398 برگزار گردید.
در این محفل مسئولین، استادان و کارمندان دانشگاه اشراق، مقامات ادارات دولتی، وکیل صاحبان پارلمان و شورای ولایتی و مسئولین نهاد های خصوصی اشتراک نموده بودند، درآغاز محفل، با آیاتی چند از کلام الله مجید توسط محترم قاری فرهاد نوریان مزین گردید، سپس داکتر احمد سعید عبداللهی رئیس دانشگاه اشراق، صحبت نموده، مهمانان را در این محفل خوش آمدید گفتند. بعدا داکتر محمد داوود هاشمی، معاون اداری مالی مقام ولایت هرات به ایراد سخن پرداخته، دانشگاه اشراق را بازوی قوی در کنار ادارات محلی جهت ارتقاء ظرفیت جوانان علم دوست و کارمندان دولتی دانستند، همچنان عمر نصیر مجددی نماینده مردم هرات در شورای ملی، صحبت نموده، فراغت دانشجویان را برای فامیل و جامعه هرات تبریک عرض نمودند.
